ខេត្តមណ្ឌលគិរីៈ ចេញផ្សាយថ្ងៃ៧រោជ ខែមិគសិរ ឆ្នាំច សំរឹទ្ធិស័កព.ស.២៥៦២ ត្រូវថ្ងៃទី២៩ ខែធ្នូ ឆ្នាំ២០១៨
ក្រោមការចង្អុលបង្ហាញពីឯកឧត្ដម ឧត្ដមសេនីយ៍ទោ ឡោ សុខា ស្នងការនគរបាលខេត្ត កំលាំងនៃស្នងការបានសហការណ៍ជាមួយកំលាំងអធិការនគរបាលស្រុកកែវ សីមា បានឃាត់ខ្លួនជនសង្ស័យ០៤នាក់អស់រយ:ពេល៤៨ម៉ោង ដើម្បីធ្វើការសាកសួរបំភ្លឺជុំវិញករណីដេញឡានដឹកឈើបង្កឲ្យមានគ្រោះថ្នាក់ចរាចរណ៍បណ្ដាលឲ្យមនុស្សស្លាប់០១នាក់និងរងរបួសស្រាលធ្ងន់០៣នាក់នៅចំណុចKm១៣៦ក្នុងភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី កាលពីថ្ងៃទី២៧ ខែធ្នូ ឆ្នាំ២០១៨វេលាម៉ោង៦និង២៤នាទីនោះ។
ឧត្ដមសេនីយ៍ត្រី សូ សុវណ្ណ ស្នងការរងទទួលផែនយុត្តិធម៌បានឲ្យដឹងថា ក្រោយពីធ្វើការសាកសួរស្ដាប់ចម្លើយរួចរាល់បញ្ចប់នីតិវីធីនៅស្នងការត្រូវបានរៀបចំសំណុំរឿងនិងជនសង្ស័យបញ្ជូនទៅអយ្យការនៃសាលាដំបូងខេត្តដើម្បីចំណាត់ការតាមផ្លូវច្បាប់ជនសង្ស័យដែលឃាត់ខ្លួនបានជាក់ស្ដែង០៤នាក់នោះមានឈ្មោះដូចខាងក្រោម:
១.លោក យូ រ៉ាវុធ ភេទប្រុស អាយុ៥១ឆ្នាំ មុខរបរយោធា
២.លោក វ៉ាន់ រួន ភេទប្រុសអាយុ៥៤ឆ្នាំ នគរបាល
៣.លោក ស្រ៊ុន ឈួនភេទប្រុសអាយុ៤៣ឆ្នាំ មុខរបរ មន្ត្រីរដ្ឋបាលព្រៃឈើ
៤.លោក សៀង ចំរ៉ុងភេទប្រុស អាយុ៣៥ ឆ្នាំ មុខរបរ មន្ត្រីនគរបាល។ក្រោយពីតំណាងអយ្យការនសាលាដំបូងបានធ្វើការសាកសួរបន្តជុំវិញករណីខាងលើរួចមកត្រូវបានអយ្យការសម្រេចចេញដីកាឃុំខ្លួនជាបណ្តោះអាសន្នទៅលើជនសង្ស័យទាំង០៤នាក់បញ្ជូនទៅពន្ធនាគារខេត្តនៅរសៀលថ្ងៃទី២៩ខែធ្នូឆ្នាំ២០១៨នេះហើយ។
បើតាមប្រភពព័ត៌បានបង្ហើបឲ្យដឹងថា ដោយឡែក ជនសង្ស័យនៅសល់០៣នាក់ទៀត ដែលមានការពាក់ព័ន្ធលឺថាបានរត់គេចខ្លួនបាត់នោះមានឈ្មោះ
១/ ឈ្មោះ នី អ្នកសារព័ត៌មាន
២/ ឈ្មោះ ណាង អ្នកសារព័ត៌មាន
៣/ ឈ្មោះ កាណួត ជាយោធា
សមត្ថកិច្ចកំពុងធ្វើការស្រាវជ្រាវយ៉ាងម៉ត់ចត់ដើម្បីសុំគោលការណ៍ពីតុលាការឈានចូលទៅដល់ការឃាត់ខ្លួនយកមកចាត់ការតាមផ្លូវច្បាប់។
ពេលនេះប្រជាពលរដ្ឋនៅក្នុងខេត្តមណ្ឌលគិរីពួកគាត់សំនូមពរទៅ ឯកឧត្ដម ស្វាយ សំអ៊ាង អភិបាលនៃគណ:អភិបាលខេត្ត សូមឯកឧត្ដមមានវិធានការបង្ក្រាបមន្ត្រីកងកំលាំងដែលគ្មានភារកិច្ចនៅតាមដងផ្លូវ(កុងត្រូលជជុះ)ឲ្យបានក្ដៅគគុកកុំឲ្យមាននៅដែលកន្លងមកក្រុមនេះតែងតែបង្កនូវបញ្ហាដល់សង្គមជាតិយើងមិនចេះចប់ជាក់ស្ដែងដូចជាករណីដេញឡានបទល្មើសយកលុយបង្កឲ្យមនុស្សស្លាប់យ៉ាងអាណោចអាធម្មបំផុតដោយមិនដឹងរឿងអីសោះ។
រង់ចាំតាមដានបន្ត(ដោយសារព័ត៌មាននិងគេហទំព័រខ្មែរអច្ឆរិយ: http://www.khpress.net)