ចេញផ្សាយថ្ងៃ៦រោជ ខែមិគសិរ ឆ្នាំច សំរឹទ្ធិស័កព.ស.២៥៦២ ត្រូវនឹងថ្ងៃទី២៨ ខែធ្នូ ឆ្នាំ២០១៨
ខេត្តមណ្ឌលគិរីៈ ស្រុកកែវសីមា
បន្ទាប់ពីមានករណីគ្រោះថ្នាក់ចរាចរណ៍ដ៏សែនរន្ធត់នៅភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ដែលបណ្ដាលឲ្យមានមនុស្សស្លាប់០១នាក់ និងរងរបួសធ្ងន់ស្រាល០៣នាក់ កាលពីវេលាម៉ោង៦និង២៤នាទី ថ្ងៃទី២៧ ខែធ្នូឆ្នាំ២០១៨ រួចមកសមត្ថកិច្ចរួមមានស្នងការដ្ឋាននគរបាលខេត្ត កងរាជអាវុធហត្ថខេត្តបានធ្វើការបើកស៊ើបអង្កេតជំហានដំបូងក្រោមការចង្អុលបង្ហាញពីឯកឧត្ដមស្នងការ មេបញ្ជាការផ្ទាល់មកលើករណីនេះ។
នៅវេលាម៉ោង២២;៤១នាទី កម្លាំងនគរបាលបាលនៃស្នងការដ្ឋាននគរបាលខេត្ត ដឹកនាំដោយលោក ឧត្តមសេនីយ៍ត្រី សូ សុវណ្ណ ស្នងការរងទទួលផែនព្រហ្មទណ្ឌ បានធ្វើការកោះហៅមន្ត្រីជំនាញនិងកងកំលាំងមួយចំនួនមកធ្វើការសាកសួរបំភ្លឺជុំវិញករណីខាងលើនៅស្នងការដ្ឋាននគរបាលខេត្តមណ្ឌលគិរី ដើម្បីបន្តនិតិវិធីទៅតាមផ្លូវច្បាប់។
មន្ត្រីជំនាញនិងកងកំលាំងទាំងនោះអ្នកពាក់ព័ន្ធមានឈ្មោះដូចខាងក្រោមៈ
១/ លោក វរសេនីយ៍ទោ យូ រ៉ាវុធ ប្រធានស្នាក់ការ ការិយាល័យទី២កងទ័ពជើងគោក ប្រចាំខេត្តមណ្ឌលគិរី
២/ លោក សៀង ចំរ៉ុង នគរបាល អត្តសញ្ញាណកម្ម
៣/ លោក វ៉ាន់ រួម នគរបាលសេដ្ឋកិច្ចក្រសួងមហាផ្ទៃ
៤/ លោក ស្រ៊ុន ឈួន នាយសង្កាត់រដ្ឋបាលព្រៃឈើកែវសីមា
ក្រោយពីធ្វើការសាកសួរបំភ្លឺរួចមកមិនទាន់បានដឹងថាខាងសមត្ថកិច្ចជំនាញនិងបន្តនីតិវិធីយ៉ាងទៀតនោះរង់ចាំព័ត៌មានបន្ថែមនៅព្រឹកនេះហើយប្រជាពលរដ្ឋកំពុងនាំគ្នាទន្ទឹងរង់ចាំមើលលើចំណាត់ការករណីនេះគ្រប់ៗគ្នាពីសមត្ថកិច្ច ៕ (ព័ត៌មានបឋម)
ដោយសារព័ត៌មាននិងគេហទំព័រខ្មែរអច្ឆរិយៈ http:// www.khpress.net
