ចេញផ្សាយថ្ងៃ៥រោជ ខែមិគសិរ ឆ្នាំច សំរឹទ្ធិស័កព.ស.២៥៦២ ត្រូវនឹងថ្ងៃទី២៧ ខែឆ្នូ ឆ្នាំ២០១៨។
មណ្ឌលគិខេត្តរីៈស្រុកកែវសីមា
ថ្មីៗនេះមានការកក្រើកទៀតហើយករណីរំលោភបំពានកាប់ព្រៃឈូសឆាយដីដែនព្រៃការពារ កើតមានជាបន្តបន្ទាប់ ជាក់ស្ដែងនៅថ្ងៃទី២៤ ខែធ្នូ ឆ្នាំ២០១៨ វេលាម៉ោង១១ថ្ងៃត្រង់ មន្ត្រីដែនជំរកកែវសីមា បានធ្វើការឃាត់ខ្លួនជនសង្ស័យចំនួន០៤នាក់ ដែលបាននាំគ្នាលួចចូលទៅកាប់ព្រៃនៅក្នុងដែនជម្រកសត្វព្រៃកែវសីមាស្ថិតនៅក្នុងភូមិពូគុង ឃុំស្រែព្រះ ស្រុកកែវសីមា ខេត្តមណ្ឌលគិរី។ជនសង្ស័យទាំង០៤នាក់មានឈ្មោះ
១/ ឈ្មោះ ជួន ម៉ាច ភេទប្រុស អាយុ២៥ឆ្នាំ
២/ ឈ្មោះ វ៉ាន់ ផន ភេទប្រុស អាយុ៤៨ឆ្នាំ
៣/ ឈ្មោះ ហុីង ចាក់ ភេទប្រុសអាយុ៤១ឆ្នាំ
៤/ ឈ្មោះពុតស្រីល័ក្ខ ភេទស្រីអាយុ៣៥ឆ្នាំ
ទាំង០៤នាក់នេះរស់នៅខេត្តស្វាយរៀង។
បើតាមប្រភពព័ត៌មានមួយចំនួនពីបងប្អូនអ្នកទាំង០៤នាក់នោះបានអោយដឹងថាពួកគេទើបតែនាំចូលទៅសង់ខ្ទមរស់នៅហើយបានរុករើដុតព្រៃដោយប្រើតែកាំបិតប៉ុណ្ណោះ មិនទាន់បានធ្វើសកម្មភាពអ្វីទេត្រូវបានមន្ត្រីជំនាញធ្វើការឃាត់ខ្លួនតែម្ដងទៅ។
បច្ចុប្បន្នជនសង្ស័យ០៤នាក់មន្ត្រីជំនាញបានកសាងសំណុំរឿងបញ្ជូនទៅសាលាដំបូងខេត្តដេីម្បីចំណាត់ការតាមផ្លូវច្បាប់។
(ដោយសារព័ត៌មាននិងគេហទំព័រខ្មែរអច្ឆរិយៈ http://www.khpress.net)