ចេញផ្សាយថ្ងៃ៥រោជ ខែមិគសិរ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៧ ខែធ្នូ ឆ្នាំ២០១៨
ខេត្តមណ្ឌលគិរីៈស្រុកកែវសីមា
ហេតុការណ៍គួរអោយរន្ធត់មួយបានកើតមានឡើងនៅវេលម៉ោង០៦និង២៤នាទីថ្ងៃទី២៧ ខែធ្នូ ឆ្នាំ២០១៨នៅត្រង់ចំណុចkm១៣៦ ក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី។
បើយោងតាមប្រភពនៅកន្លែងកើតហេតុបានអោយដឹងថាគ្រោះថ្នាក់ចរាចរណ៍ខាងលើនេះបង្ករឡើងដោយរថយន្តរបស់ក្រុមកុងត្រូលជជុះស្រុកកែវសីមានិងក្រុមអ្នកកាសែតនាំគ្នាដេញតាមគាបស៊ីពីក្រោយរថយន្តសាំយ៉ុងមួយគ្រឿងដែលដឹកឈើប្រណីតក្នុងទិសដៅពីស្រុកកែវសីមា ទៅស្រុកស្នួលខេត្តក្រចេះ។
លុះមកដល់ចំណុចកើតហេតុរថយន្ត០២គ្រឿងបានប៉ះទង្គិចគ្នាបណ្តាលអោយរថយន្តសាំយ៉ុងដឹកឈើនោះបានក្រឡាប់ជាច្រើនត្រឡប់ចូលទៅក្នុងផ្ទះប្រជាពលរដ្ធខ្មែអីុស្លាមមួយខ្នងបង្ករអោយមនុស្សនៅក្នុងផ្ទះស្លាប់០១នាក់នៅពេលដឹកទៅដល់មន្ទីពេទ្យនិងរងរបួសធ្ងន់ស្រាលចំនួន០៣នាក់។
ប្រភពដដែលបានបន្តទៀតថាអ្នករងរបួសក្នុងហេតុការណ៍នោះបានបញ្ជូនទៅសង្គ្រោះភ្លាមៗនៅមន្ទីពេទ្យបង្អែកស្រុកស្នួលរីឯម្ចាស់រថយន្តកាមរីឆ្លាមដែលគេសង្ស័យថាជារថយន្តរបស់អ្នកការសែតនោះបានរត់គេចខ្លួនបាត់ហេីយរថយន្តដែលដេញតាមពីក្រោយរថយន្តសាំយ៉ុងនោះគឺជារថយន្តរបស់សមត្ថកិច្ចកុងត្រូលជជុះនៅឈរជេីងស្រុកកែវសីមា។
ចំណែករថយន្តដឹកឈើសាំយ៉ុងនោះវិញគេបានបង្ហេីបថាជារថយន្តរបស់ឈ្មោះរដ្ធ ជាកូនប្រុសរបស់លោកមាសសុភាព ជាមេបញ្ជាការវរះការពារព្រំដែនលេខ២០៤ខេត្តក្រចេះ។
ក្រោយពីកើតហេតុសមត្ថកិច្ចស្រុកកែវសីមាបានចុះទៅដល់ភ្លាមៗដែរនិងបានបញ្ជូនជនរងគ្រោះទាំងនោះទៅធ្វេីការសង្គ្រោះនៅមណ្ឌលសុខភាពស្រុកកែវសីមា ឯអ្នករបួសធ្ងន់ត្រូវបានបញ្ជូនទៅសង្គ្រោះនៅប្រទេសវៀតណាម។
ចំណែករថយន្តដឹកឈើនិងរថយន្តបង្ករសមត្ថកិច្ចកំពុងចំណាត់ការកសាងសំណំុរឿងទៅតាមផ្លូវច្បាប់ ហេីយពលរដ្ធសង្ឃឹមថាលោកអភិបាលខេត្តនិងមានវិធានការមកលើជនបង្ករក្រុមកុងត្រូលជជុះនៅលើដងផ្លូវដែលដេញតាមគាបស៊ីបង្ករភាពអានាធិប្បតេយ្យបំពុលសណ្តាប់ធ្នាប់សាធារណ:សន្តិសុខសង្គមមិនអោយរួចខ្លួនជាដាច់ខាតវែកមុខអោយបានច្បាស់នៅពេលខាងមុខយកមកអនុវត្តតាមផ្លូវច្បាប់។(ដោយសារព័ត៌មាននិងគេហទំព័រខ្មែរអច្ឆរិយ: http://www.khpressnet)