ចេញផ្សាយថ្ងៃ១០កើតខែមិគសិឆ្នាំចសំរឹទ្ធិស័កព.ស.២៥៦២ត្រូវនឹងថ្ងៃទី១៧ខែធ្នូឆ្នាំ២០១៨
ខេត្តមណ្ឌលគិរី ៖ វេលាម៉ោង១៦និង១៥នាទី ថ្ងៃទី១៦ ខែឆ្នូឆ្នាំ២០១៧ មន្ត្រីបរិស្ថាននៃមន្ទីរបរិស្ថានខេត្តមណ្ឌលគិរីបានបង្ក្រាបរថយន្តដឹកឈើមួយបាំងកន្លះចំនួន០១គ្រឿងព័ណ៍សំបកឪឡឹកពាក់ស្លាកលេខកណ្ដាល2A 0572នៅចំណុចភូមិពូលូង សង្កាត់រមនា ក្រុងសែនមនោរម្យ ខេត្តមណ្ឌលគិរី។
តាមប្រភពព័ត៌មានពីប្រជាពលរដ្ឋនិងក្រុមតាក់ស៊ីមួយចំនួនបានប្រាប់អោយសារព័ត៌មាននិងគេហទំព័រ” ខ្មែរអច្ឆរិយ: “យើងដឹងថា រថយន្ដដឹកឈើខាងលើនេះជារបស់ឈ្មួញមានឈ្មោះរ៉ាន់ ជាជើងខ្លាំងដឹកជញ្ជូនឈើពីស្រុកកោះញែកយកមកទុកនៅក្នុងខេត្តរួចបន្តយកទៅលក់ចែកចាយនៅតាមបណ្ដាខេត្តនានា និងភ្នំពេញដែលកន្លងមកមិនមានសមត្ថកិច្ចណាហ៊ានបង្ក្រាបឡើយ។
លោក វុធ សារុំ មន្ត្រីបរិស្ថានដែលចុះទៅបង្ក្រាបករណីរថយន្តដឹកឈើខាងលើបានប្រាប់ថា រថយន្តនេះដឹកទ្វារចំនួន១៣វង់និងគ្រោងធ្វេីឡេីងអំពីឈើសុក្រំដោយដាក់បាវអង្គាមគ្របពីលើ បច្ចុប្បន្ននេះជំនាញកំពុងកសាងសំណុំរឿងបំពេញនិតិវិធីបញ្ជូនទៅសាលាដំបូងខេត្តដេីម្បីចំណាត់ការតាមផ្លូវច្បាប់។
សូមរំលឹកថាបច្ចុប្បន្ននៅស្រុកកោះញែក និងស្រុកពេជ្រាដាសំបូរទៅដោយរោងសិប្បកម្មកែច្នៃឈើច្រើនណាស់ ពួកគាត់ឲ្យដឹងថា រាប់ទាំងមានច្បាប់ និងអត់ច្បាប់អនុញ្ញាត ប៉ុន្តែពួកគាត់ពុំដែលឃើញមានមន្ត្រីជំនាញរដ្ឋបាលព្រៃឈើនិងមន្ត្រីជំនាញផ្សេងៗចុះធ្វើការត្រួតពិនិត្យបញ្ជាក់ថាមានច្បាប់ឬយ៉ាងណានោះទេ លឺតែគេនិយាយតគ្នាប៉ុណ្ណោះ ។
បើតាមសេចក្តីរាយការណ៍ពីពលរដ្ឋនៅមូលដ្ឋានទាំងនោះ ពួកគាត់បញ្ជាក់ទៀតថា គ្រាន់តែឃុំពូជ្រៃ ចំណុច ដេអេ មានសិប្បកម្មយ៉ាងតិចក៏៥០កន្លែង ដែល ហើយរោងសិបកម្មកែច្នៃឈើទាំងនេះមានទីតាំងនៅជិតប៉ុស្គិ៍របស់សមត្ថកិច្ចគ្រប់ជំនាញដែលឈរជើងនៅមូលដ្ឋាននោះតែម្ដង។
(ដោយសារព័ត៌មាននិងគេហទំព័រ” ខ្មែរអច្ឆរិយ:”http:// www.khpress.net)